Një shpërthim më lëndë plasëse ka ndodhur orët e para të mëngjesit të sotëm, në Shkodër.
Sipas informacioneve nga policia, mësohet se shpërthimi me tritol ka ndodhur rreth orës 03:40, në lagjen “Tom Kola”, tek porta e oborrit të banesës së 62-vjeçares Frida Sala.
Si pasojë janë shkaktuar vetëm dëme materiale, ndërsa policia ka nisur kontrollin në zonë për kapjen e autorit/autorëve.
Ende nuk dihen arsyer që mund të kenë çuar në vendosjen e tritolit.
Shkodër/Informacion paraprak
Rreth orës 03:40, në lagjen “Tom Kola”, Shkodër, tek porta e oborrit të banesës së shtetases F. S., 62 vjeçe, është hedhur lëndë plasëse. Si pasojë janë shkaktuar vetëm dëme materiale.
Menjëherë në vendngjarje kanë shkuar forcat e Policisë të cilat vijojnë kontrollin në zonë.
Ndërkohë grupi hetimor po kryen veprimet për sqarimin e rrethanave të ngjarjes, identifikimin dhe kapjen e autorit.
